...

"Cahan Holdinq" şirkətlər qrupu Naxçıvanda siqaret istehsalı üçün müəssisə açdı

Siyasət Materials 10 May 2006 17:55 (UTC +04:00)

"Cahan holdinq" şirkətlər qrupunun "Cahan Tobakko" və "Cahan PEN" məssisələri istifadəyə verildi. Açılışda Naxçıvan MR intisadi inkişaf naziri Famil Seyidov çıxış edərək əhalinin rifahının yüksəldilməsi üçün yeni müəssisələrin tikiləcəyini bildirdi. Sonra NMR Ali Məclisinin sədri Vasif Talıbov çıxış edərək sovetlər birliyi dövründə Naxçıvanda hər il 7 tona yaxın quru tütünün istehsal olunduğunu dedi.

V.Talıbov müəssisənin açılışı münasibətilə işçiləri təbrik etdi və mülkiyyət hüqüqunü təsdiq edən şəhadətnaməni "Cahan Holdinq" şirkətlər qrupunun rəhbəri Vüqar Abbasova təqdim etdi. Müəssisədə Almaniya, Böyük Britaniya və ABŞ-dan gətirilmiş texnoloji avadanlıqlar quraşdırılıb. Burada 200 nəfər çalışacaq.

2005-ci ilin mart ayından tütün əkənlərə avanslar verilib. Bu ilin sonunda Naxçıvanda Tütün fermentləmə fabrikinin yaradılması nəzərdə tutlub. Bundan başqa, "Cahan Holdinq" şirkətlər qrupunun "Cahan Pen" müəssisəsi müasir standartlara uyğun şəkildə qurulub. Almaniya, Türkiyədən gətirilmiş avadanlıqlar vasitəsilə müəssisədə plastik pəncərələr, qapılar üçün profillər, plastik su boruları, asma tavan üçün 12,5 sm-lik lambirlər, plastik qapılar üçün çərçivə profilləri və digər avadanlıqlar istehsal olunacaq. Müəssisə gün ərzində 6800 metr plastik material istehsal etmək gücünə malikdir. Müəssisədə 180 nəfərin çalışması nəzərdə tutulub.

Xəbər lenti

Xəbər lenti