106 saylı Tovuz-Qazax-Ağstafa seçki dairəsinin sədri Xəqani Vəliyevin verdiyi məlumata görə, dairədə 41 252 nəfər seçici siyahıya alınıb. Bu isə 2005-ci ildə keçirilən seçkilərdə iştirak edənlərdən çoxdur. Vəliyev bunun səbəbini dairənin ərazisində olan hərbi hissələrlə əlaqələndirir.
Onun dediynə görə, 2212 nəfər hərbiçi mayın 13-də məntəqələrə gələrək istyədiyi namizədə səs verə bilər. Bundan başqa, dairədə 537 nəfər seçki prosesini izləyəcək. Bunlardan Yeni Azərbayjan Partiyası 55, Müstəqil YAP-çılar 80, müstəqil müşahidəçilər 154, QHT-lərdən Azad və Ədalətli seçkilər uğrunda 61, Azərbaycanda Vətəndaş Cəmiyyətinin İnkişafına Yardım Assosiasiyası (AVJİYA) 71, Seçki Monitorinq Mərkəzi 3, namizədlərin qeydiyyata aldırdıqları müşahidəçilərin sayı isə 113-dür.