Bu yaxınlarda Tiflisdə Azərbaycanın keçmiş prezidenti Heydər Əliyevə abidə ucaldılacaq və bu proses qrafik üzrə gedir. Tiflis şəhər hökumətinin başçısı Temur Kurxulinin Trend in Gürcüstandakı xüsusi müxbirinə verdiyi məlumata görə, bu məsələ demək olar ki, həll olunub.
Heydər Əliyevə abidə Gürcüstan paytaxtının mərkəzində, artıq Heydər Əliyev adına bağın salındığı Mtasminda-Krtsanisi rayonunda ucaldılacaq.
T.Kurxuli bəyan edib ki, abidənin ucaldılması ilə bağlı qərar Azərbaycan prezidenti İlham Əliyevin Gürcüstana səfəri zamanı qəbul olunub.
"Abidə iki xalqın dostluq simvolu olacaq", - deyə T.Kurxuli vurğulayıb.
Trend-in ən mühüm və maraqlı xəbərlərini "Telegram"da izləyin
