İyunun 14-də Mərkəzi Seçki Komissiyasının (MSK) növbəti iclası keçirilib. Trend in məlumatına görə, iclasda bələdiyyə seçkiləri ilə bağlı bir neçə təlimat qəbul edilib, iclas protoklları təsdiqlənib.
Əvvəlcə MSK-nın 5, 9, 11, 13, 16, 19, 23, 27 may və 7 iyun tarixli iclas protokollarının təsdiq edilməsi barədə qərar çıxarılıb. Sonra "Bələdiyyə seçkilərində bələdiyyə üzvlüyünə namizədin müdafiəsi üçün seçici imzalarının toplanması və imza vərəqəsinə əlavə edilmiş sənədlərin dairə seçki komissiyasına təqdim edilməsi qaydaları haqqında" Təlimat təsdiq edilib. Eyni zamanda MSK-nın 15/92 saylı, 25 avqust 2004-cü il tarixli qərarı ilə təsdiq edilmiş "Seçici imzalarının toplanması haqqında Yekun Protokol"un qüvvədən düşməsi barədə qərar çıxarılıb.
Sonra MSK katibi Natiq Məmmədov "Bələdiyyə seçkilərində namizədliyin qeydə alınması məqsədilə könüllü qeydiyyat depozitinin köçürülməsi və sonradan qaytarılması qaydaları haqqında Təlimat" barədə məlumat verib. MSK katibi həmçinin "Bələdiyyə seçkilərində bələdiyyə üzvlüyünə namizədə, onun səlahiyyətli nümayəndəsinə dairə seçki komissiyası tərəfindən imza vərəqələrinin verilməsi Qaydaları" adlı sənədə bəzi dəyişikliklər edilib. Həmçinin "Bələdiyyə üzvlüyünə namizədlərin müdafiəsi üçün seçici imzalarının toplanmasından ötrü imza vərəqələrinin verilməsi haqqında Akt"ın 2 saylı əlavə kimi həmin Qaydalara əlavə edilməsi barədə qərar çıxarılıb. Sonda cari məsələlərə baxılıb.