Misirin MDB ölkələri ilə texniki əməkdaşlıq üzrə fondu sentyabrın 1-dən 29-a qədər Azərbaycanın hüquq-mühafizə orqanlarının əməkdaşları üçün treninqlər təşkil edəcək. Bu barədə Trend ə Misirin Azərbaycandakı səfirliyindən bildirilib.
Səfirlikdə qeyd ediblər ki, bir ay ərzində hüquq-mühafizə orqanlarının əməkdaşları təhlükəsizlik, o cümlədən terror və mütəşəkkil cinayətlə mübarizə məsələlərində təkmilləşdirilmə üzrə kurslar keçəcək.
Bütün səfər və tədris xərcləri Misirin Xarici İşlər Nazirliyinin yanında fəaliyyət göstərən Fond tərəfindən ödəniləcək.