Belarus neft hasilatı və tranzit sahəsində Azərbaycanla əməkdaşlıq etmək niyyətindədir. Trend xəbər verir ki, bu barədə oktyabrın 31-də Belarus baş nazirinin birinci müavini Vladimir Semaşko Azərbaycanın baş naziri Artur Rəsizadə ilə Bakıda görüşərkən bildirib.
Görüşdə Azərbaycan prezidentinin Belarusa rəsmi səfəri zamanı əldə olunmuş razılaşma və qərarların reallaşdırılması ilə bağlı məsələlər müzakirə olunub.
A.Rəsizadə ikitərəfli əməkdaşlığın inkişafı üzrə irəli sürülmüş təkliflərin nəzərdən keçirilməsinin əhəmiyyətli olduğunu vurğulayıb.