"Cənubi Osetiyada referendum lazımsız, faydasız və ədalətsizdir". Avropa Şurasının baş katibi Terri Devis Gürcüstanın separatçı regionunda keçirilmiş səsverməni belə qiymətləndirib. Trend in xəbər verdiyi kimi, bu barədə AŞ-nin məlumatında deyilir.
Terri Devis qeyd edib ki, səsvermənin nəticələri beynəlxalq ictimaiyyət tərəfindən tanınmayacaq. O bildirib ki, bu səsvermə sülh yolu ilə siyasi həllin tapılmasına imkan verməyib və səsverməyə etnik gürcülərin buraxılmaması faktını nəzərə alsaq, onun keçirildiyi şərait bu prosesi yersiz edir.