"Azərbaycan iqtisadi layihələrin gerçəkləşdirilməsində Yaponiya şirkətləri ilə əməkdaşlığın inkişafında maraqlıdır. Trend in xəbər verdiyi kimi, bu barədə Azərbaycan prezidenti İlham Əliyev bu gün Bakıda Azərbaycan-Yaponiya hökumətlərarası komissiyanın 4-cü iclasının iştirakçıları ilə görüşdə bəyan edib.
Dövlət başçısı Yaponiyaya rəsmi səfərindən sonrakı dövr ərzində ikitərəfli əməkdaşlığın uğurlu inkişafını qeyd edib.
Yaponiya nümayəndə heyətinin rəhbəri, Itochu şirkətinin vitse-prezidenti Yokoto Akira ikitərəfli əlaqələrin yaxşı səviyyəsini qeyd edərək, əmin olduğunu bildirib ki, hazırkı iclasın yekunları əməkdaşlığın inkişafına daha böyük töhfə verəcək.