Naxçıvan MR-də YAP Babək rayon təşkilatı üçün yeni bina istifadəyə verilib. Trend in Naxçıvan Bürosunun məlumatına görə açılış mərasimində Naxçıvan MR Ali Məclisi Sədri Vasif Talıbov iştirak edib.
İnzibati binanın açılışında çıxış edən Ali Məclisi Sədri YAP Babək rayon təşkilatının sıralarının genişlənərək 5412 nəfərə çatdığını, onların 2630 nəfərin gənclərdən ibarət olduğunu qeyd edib, regionda YAP-ın fəaliyyəti üçün yaradılan şəraitdən danışıb.
Sonra Naxçıvan MR Ali Məclisi Sədri Babək Rayon Maliyyə Şöbəsi üçün inşa edilən inzibati binanın açılış mərasimində iştirak edərək yaradılan şəraitlə maraqlanıb. Rayona gəlişi çərçivəsində rayon mərkəzində inşa olunan mədəniyyət sarayının layihə sənədləri ilə də tanış olub.