Bərdə rayon Kələntərli kəndində məcburi köçkünlər üçün salınmış qəsəbədə müvvəqəti məskunlaşan Ağdam rayon məcburi köçkünləri işıqların yanmaması ilə bağlı bir saata yaxın aksiya keçiriblər. Aksiyada iştirak edən 100-ə yaxın məcburi köçkünün sözlərinə görə, gün ərzində onlara cəmi 5-6 saat elektrik verilir. Artıq 1 aydan çoxdur ki, elektikin fasilələrlə verildiyini deyən köçkünlər Bərdə Rayon Paylayıcı Elektrik Şəbəkəsinə də müraciət ediblər. Rayon Paylayıcı Elektrik Şəbəkəsində bildirilib ki, yaxın günlərdə problem aradan qaldırılacaq.
Məcburi kxçkünlər onu da qeyd etdi ki, elektrik olmadığına görə içməli suda da problemlər yaranır. Çunki su artezianlarının mühərrikləri elektriklə işlədiyinə görə, işıq olmayanda su da olmur. Köçkünlər isə məcbur qalıb içməli suyu uzaq məsafələrdən daşımalı olurlar.
Məsələ ilə bağlı Bərdə rayon Paylayıcı Elektrik Şəbəkəsindən Trendin bölgə müxbirinə bildiriblər ki, sakinlərin üzləşdiyi problemdən xəbərdardılar. Ancaq bir sutka ərzində elektrik 5-6 saat yox, qısa fasilələrlə verilir. Bir neçə gündən sonra problem aradan qaldırılacaq və köçkünlərə daimi elektrik veriləcək.
