Fevralın 12-də Azərbaycanın milli təhlükəsizlik naziri Eldar Mahmudov ABŞ-ın müdafiə nazirinin beynəlxalq təhlükəsizlik məsələləri üzrə köməkçisi Piter Rodmanın başçılıq etdiyi nümayəndə heyəti ilə görüşüb. Bu barədə Trend ə MTN-nin mətbuat xidmətindən məlumat verilib.
E.Mahmudov bəyan edib ki, Azərbaycan üçün ABŞ-la qarşılıqlı əməkdaşlıq prioritet məsələdir.
Nazir həmçinin qonaqlara regionda gedən proseslər, reallıqlar və meydana çıxan müxtəlif növ təhlükələr barədə söhbət açıb. O, beynəlxalq terrorçuluq və transmilli mütəşəkkil cinayətkarlıq və bununla bağlı respublikada həyata keçirilən tədbirlər barədə qeyd edib.