Azərbaycan, Bakı / Trend müxbir İ.Əlizadə/ "Azadlıq" blokuna başqa partiyanın qəbul olunması gündəmdə deyil. "Azadlıq" blokunun həmtəsisçisi, Vətəndaş və İnkişaf Partiyasının sədri Əli Əliyev bildirib ki, blokun genişləndirilməsi tərəflərin razılığı ilə mümkündür: "Hələlik bununla bağlı bizə müraciət edən yoxdur. İnanmıram ki, yaxın vaxtlarda blokun formatı dəyişsin."
"Azadlıq" bloku müxalifətyönlü Xalq Cəbhəsi, Vətəndaş və İnkişaf, Liberal və Demokrat partiyalarının iştirak ilə yaradılmışdı. "Azadlıq" blokunun Sədrlər Şurası bu il martın 6-da Sərdar Cəlaloğlunun rəhbərlik etdiyi ADP-nin blokdan çıxarılması barədə qərar qəbul edib.
.
