Azərbaycan, Bakı / Trend müxbir K.Zərbalıyeva/ İşə qəbulla bağlı müsabiqələrə hazırlıq məqsədilə gənc hüquqşünaslar üçün hazırlıq kursları təşkil olunub. Məhkəmə-Hüquq Şurasından cümə axşamı Trend ə verilən məlumata görə, kurslarda iştirak etmək üçün hakimliyə, dövlət qulluğuna, hüquq-mühafizə orqanlarına və Vəkillər Kollegiyasına sənəd vermiş 40-dan çox namizəd müraciət edib.
Məhkəmə-Hüquq Şurası və Avrasiya Hüquqşünaslar Assosiasiyası tərəfindən təşkil edilmiş kurslarda insan hüquqlarının təmin edilməsi üzrə ölkədaxili və beynəlxalq vasitələr, həyata keçirilən məhkəmə-hüquq islahatlarının mahiyyəti barədə təcrübəyə malik mütəxəssislərin, beynəlxalq ekspertlərin mühazirələri nəzərdə tutulub.
Dərslər oktyabrın 6-da, hər həftənin şənbə günləri keçiriləcək.
Kursları bitirənlərə sertifikatlar veriləcək.