Azərbaycan, Bakı, 12 dekabr /müx. TrendLife Ayəndə Dadaşova/
Gənc, istedadlı müğənni Rəşad İlyasov profseonal kanon ifaçısı kimi də tanınıb. Lakin bu dəfə TrendLife müxbiri gözləmədiyi sualla ona müraciət etdi.
-Rəşad, siz siyasətçi olmaq istərdiniz?
-Bilirsiz, siyasətçi olmaq həm çətindir, həm də vacibdir. Ümumiyyətlə, mən siyasətdən uzaq insanam.
-Qurban bayramı yaxınlaşır. Həmin gün xeyriyyəçiliklə məşğul olacaqsınız?
-Adətən, həmin günü ailəmizdə qurban kəsib, ehtiyacı olan ailələrə paylayırıq.
-Bəs, yaradıcılığınızda hansı yeniliklər var?
-Bir neçə yeni mahnılarım var ki, hələ aranjeman olunmayıb. Düzünü desəm, özümdə də bir az tənbəllik var. Pərəstişkarlarıma söz verirəm ki, iki yeni mahnımı yaxınlarda onlara təqdim edəcəm.
-Əgər səhv etmirəmsə, yeni klip də olacaq?
-Bəli. Gövhər Həsənzadənin "Sonsuz uzaqlara"mahnısına klip çəkdirirəm.
-Bəs kanonda necə, yeni mahnı ifa edəcəksiniz?
-Əlbəttə. Mən bu çalğı alətin çox sevirəm. Məhz buna görə də yeni mahnılar hazırlayıram.