Azərbaycan, Bakı / Trend ,müxbir K.Zərbalıyeva/ Prezident yaninda Dövlət Qulluğu Məsələləri üzrə Komissiyası Prezidentin İcra Aparatı ilə birgə gələn ildən dövlət orqanlarında monitorinqlər keçirəcək. Trend in məlumatına görə, bu barədə cümə günü
Dövlət Qulluğu Məsələləri üzrə Komissiyanın sədri Bəhram Xəlilov keçirdiyi mətbuat konfransında məlumat verib.
Xəlilov bildirib ki, monitorinqin keçirilməsində məqsəd dövlət orqanlarının dövlət qulluğu sahəsindəki qanunverticiliyinin düzgün tətbiq olunub-olunmamasını öyrənməkdir.
Komissiya sədinin sözlərinə görə, qanunvericilik 6-9-cu təsnifatlar üzrə dövlət qulluğuna qəbulun müsabiqə yolu ilə qəbulunu nəzərdə tutsa da, bəzi dövlət orqanlarında bu təsnifatlara müsabiqədən kənar qəbul aparılması halları mövcuddur.
"Bu faktlar aşkarlanandan sonra həmin şəxslər vəzifələrindən azad olunublar. Onlar sonradan müsabiqəyə gəlsələr də, keçməyiblər",-deyə Xəlilov vurğulayıb.