Azərbaycan, Bakı, 06 fevral / Trend , müxbir K.Zərbalıyeva/ AŞPA-nın Azərbaycan üzrə həmməruzəçiləri siyasi məhbuslarla görüşüblər.
Ədliyyə Nazirliyi Penitensiar Xidmətinin İctimaiyyətlə Əlaqələr Şöbəsindən çərşənbə günü Trend ə bildirilib ki, həmməruzəçilər Andres Herkel və Yevjeniya Jivkova çərşənbə axşamı ikinci yarisi 1 saylı Cəzaçəkmə Müəssisəsində olublar və orada cəza çəkən Nizami rayon Polis İdarəsinin 23-cü polis bölməsinin sabiq rəisi Müşfiq Mədətov, Milli Qəhrəman Rasim Əkbərov, "Yeni Fikir" Gənclər Təşkilatının sədri Ruslan Bəşirli, keçmiş OMON-çu Səxavət Hümbətovla görüşüblər.
Məlumata görə, həmməruzəçilər siyasi məhbuslarla təkbətək görüşüblər.
Həmməruzəçilər bu gün günün ikinci yarısında digər siyasi məhbuslarla da görüşəcəklər.
Hüquq müdafiəçiləri AŞPA-ya 36 nəfərlik siyasi məhbus siyahısı təqdim ediblər. Məhbuslar sırasında sabiq nazirlər Fərhad Əliyev, Əli İnsanovun adları da var.