Azərbaycan, Qazax, 14 fevral / Trend , müxbir N.Fəttulayeva/ Qazax rayonunda təmirə ehtiyacı olan tarixi və mədəni abidələrin siyahısı hazırlanaraq yaxın günlərdə Mədəniyyət və Turizm Nazirliyinə təqdim ediləcək. Bu barədə cümə axşamı Trend ə Qazax rayon İcra Hakimiyyəti başçısının mədəniyyət, təhsil və səhiyyə sahəsi üzrə müavini Gülayə Həsənova məlumat verib.
Qazaxda 112 tarixi və mədəni abidə var ki, onlardan 52-si respublika, 50-si isə yerli əhəmiyyətlidir. Dünya əhəmiyyətli olanlar isə Damcılı, Sınıqkörpü və Babadərviş abidələridir. Qazaxın daha 8 abidəsi Ermənistan Silahlı Qüvvələrinin işğal etdiyi Əksipara kəndi ərazisindədir.
Ermənistan Silahlı Qüvvələri Azərbaycanın 20 faiz ərazisini işğal edib.
Həsənova deyib ki, Mədəniyyət və Turizm Nazirliyi yanvarda rayondakı abidələrdən təmirə daha çox ehtiyacı olan 5-nin siyahısının təqdim edilməsini tapşırıb.
Həsənova siyahıya salınacaq abidələrin ilk növbədə tarixi əhəmiyyətinin və qədimliyinin nəzərə alınacağını söyləyib. Sənəd nazirlik tərəfindən təsdiqlənərsə, təmir üçün layihə ilin ikinci rübündə hazırlanacaq.
Qazax paytaxt Bakıdan 520 kilometr qərbdə yerləşir
Müəlliflə əlaqə saxlamaq üçün elektron ünvan - [email protected]