Azərbaycan, Bakı, 22 aprel / Trend , müxbir K.Zərbalıyeva/ Ombudsman əsir götürülmüş sonuncu Azərbaycan əsgərinin azad olunması üçün BQXK-nin Bakı nümayəndəliyinin rəhbərinə müraciət edib.
Ombudsman Aparatından çərşənbə axşamı verilən məlumata görə, Ombudsman Elmira Süleymanova Beynəlxalq Qırmızı Xaç Komitəsinin Bakı nümayəndəliyinin rəhbəri Martin Amaşerə ünvanladığı məktubunda əsirlikdə olan Azərbaycan əsgərinin işgəncəyə və pis rəftara məruz qalmamasına yardımçı olmasını xahiş edib.
Ombudsmanın məktubunda əsirlikdə olan əsgərin qaytarılması üçün BQXK tərəfindən zəruri tədbirlərin görülməsi də xahiş olunur.
Qobustan rayonunun Xilmilli kəndindən hərbu xidmətə çağırılmış Hümbətov Vüsal Şiraslan oğlu aprelin 11-də Ağdam istiqamətində əsir götürülüb.
Ermənistan əsirliyində olan Azərbaycan ordusunun daha bir əsgəri sıravi Yaqub Allahverdi oğlu Muxtarov martın 9-da Tovuz istiqamətində əsir düşüb. Muxtarov 1988-ci il aprelin 29-da Şəki şəhərində anadan olub. Onun aprelin 23-də Azərbaycana verilməsi gözlənilir.
Məqalənin müəllifi ilə [email protected] ünvanı ilə əlaqə saxlaya bilərsiniz
