Azərbaycan, Bakı, 22 may / Trend , müxbir R.Ergün/ Azərbaycanın akademik avarçəkmə üzrə yığma komandası tarixində ilk dəfə Olimpiya təsnifat turnirində mübarizə aparacaq. Bu barədə cümə axşamı Trend -a Azərbaycan Milli Avarçəkmə Federasiyasının (AMAF) mətbuat xidməti bildirib.
Azərbaycanlı avarçəkənlər bu ilin yayında keçiriləcək Pekin Olimpiadasına vəsiqə qazanmaq üçün Polşanın Poznan şəhərində keçiriləcək dünya kubokuna qatılacaqlar.
İyunun 15-də start götürəcək yarışda Azərbaycanı beş idmançı təmsil edəcək. Azərbaycanlı avarçəkənlər bir və iki nəfərlik qayıqlarda mübarizə aparacaqlar.
Avarçəkmə üzrə dünya kuboku yarışı səkkiz gün davam edəcək.
Hazırda Azərbaycanın 18 yaşlılardan ibarət avarçəkmə yığması Ukraynanın paytaxtı Kiyev şəhərindədir. Azərbaycanlı idmançılar mayın 24-25-də keçiriləcək beynəlxalq "Kiyev reqatası"nda mübarizə aparacaqlar.
Müəlliflə əlaqə saxlamaq üçün elektron ünvan - [email protected]