Azərbaycan, Bakı, 23 may / Trend , müxbir E.Babayev/ Xarici Ölkələrdə Yaşayan Azərbaycanlılarla İş üzrə Dövlət Komitəsi Azərbaycan Xalq Cümhuriyyətinin (AXC) yaradılmasının 90 illiyi ilə bağlı xarici ölkələrdə tədbirlərin keçirilməsinə başlayıb. Bu barədə cümə günü komitədən Trend -a məlumat verilib.
Trend -un arayışı: 1918-ci il mayın 28-də Azərbaycan müstəqillik əldə edib. 1920-ci il aprelin 28-də isə Azərbaycan keçmiş SSRİ-nin tərkibinə daxil edilib.
Komitənin məlumatına görə, AXC-nin yaradılmasının 90 illiyi ilə bağlı 45 ölkədə tədbir keçiriləcək. Tədbirlər İsrail, Kanada, Birləşmiş Ərəb Əmirlikləri, Misir, Avstraliya, Yeni Zellandiya, Türkiyə, Gürcüstan, Qazaxıstan, Çexiya, Macarıstan, Rumıniya, Pribaltika ölkələrində, Niderland, Fransa, İspaniya, Almaniya, Rusiya və Ukraynada keçiriləcək.
Məqalə müəllifi ilə əlaqə ünvanı: [email protected]
