Azərbaycan, Gəncə, 05 sentyabr / Trend , müxbir V. Məmmədov/ Azərbaycanın qərbində yerləşən (paytaxt bakıdan 365 kilometr aralıda) Gəncə şəhərində olan məscidələrdə dini kadr çatışmamazlığı var. Bu barədə cümə günü Trend -a Gəncə şəhər Şah Abbas Dini İcmasının sədri Əlisəftər Səfərəliyev məlumat verib.
Onun bildirdiynə görə, Gəncədəki 18 məsciddən altısı fəaliyyət göstərir. Onların da yalnız üçündə rəsmi olaraq axund və axund müavini fəaliyyət göstərir. Qalan məscidlərdə bu yerlər boşdur.
Səfərəliyev yerlərin boş olmasının səbəbini Qafqaz Müsəlmanları İdarəsi tərəfindən ali dini təhsil alan gənclərə göndəriş verilməməsində görür.
"Gəncədə hər il, orta hesabla, 4-5 gənc respublikada və xarici ölkələrdə dini təhsil alır. Hazırda bir neçə ali dini təhsil almış gənc işsizdir. Axund yerləri olmayan məsçidlərdə icmalar yaradılmalı və həmin icmalar Dini Qurumlarla İş Üzrə Dövlət Komissiyasında qeydiyyatdan keçməlidir. Bundan sonra həmin məsçidlərdə axund və axund müavini vəzifələrinə kadr təyin olunmalıdır" - Səfərəliyev əlavə edib.
İcma sədri onu da qeyd edib ki, Gəncədə ibadətlə məşğul olan gənclərin sayı hər il 250-300 nəfər artır.
Məqalə müəllifi ilə əlaqə ünvanı: [email protected]