Azərbaycan, Bakı, 03 noyabr/ Trend , müxbir R.Ergün/ Azərbaycan Bakı Futbol Federasiyasının (BFF) təşkilatçılığı ilə keçirilən "Sabahın ulduzları" adlı paytaxt çempionatında yeniyetmə futbolçuların sənədləri saxtalaşdırılır. Bu barədə bazar ertəsi Trend -a "Bakı" futbol klubunun mətbuat xidməti məlumat verib.
"Sabahın ulduzları" çempionatı üç ildir ki, keçirilir. Çempionatın oyunları "Şəfa" stadionunda təşkil olunur.
"Bakı" klubunun rəhbərliyi BFF-yə müraciət edərək, futbolçuların sənədlərindəki saxtalaşdırma halları ilə bağlı araşdırma aparılmasını tələb edib.
"Bəzi məşqçilər onlara yaradılmış şəraitdən yararlanmaq əvəzinə, yeniyetmə futbolçuların sənədlərini saxtalaşdırmaqla yüksək nəticələr qazanmağa üstünlük verirlər", - "Bakı" klubunun müraciətində bildirilir.
Məqalə müəllifi ilə əlaqə ünvanı: [email protected]