Azərbaycan, Şəki, 04 noyabr / Trend , müxbir X.Əliyeva/ Azərbaycanın Şəki şəhərində yeni yerli televiziyanının noyabrın 15-də açılması nəzərdə tutulur.
Şəki rayon İcra Hakimiyyətindən çərşənbə axşamı Trend -a verilən məlumata əsasən, "KANAL-S" adı ilə fəaliyyətə başlayan televiziya kanalında daha çox mövcud şərait, görülən işlər, adət-ənənələr, yerli qurumların fəaliyyəti və əhalinin sosial qayğıları əks olunacaq.
Azərbaycan Milli Televiziya və Radio Şurası tərəfindən "KANAL-S"ə fəailiyyət göstərmək üçün ötən il 6 illik lisenziya verilib. Şəkidə açılacaq televiziya 53-cü tezlikdə ətraf rayonlara da yayımlanacaq. Televiziya kanalında çalışacaq kadrların tam əksəriyyəti yerli sakinlərdən ibarət olacaq.
Trend -un arayışı: Azərbaycanda 7 ümumrespublika, 15 regional telekanal fəaliyyət göstərir.
Şəki respublikanın şimal-qərbində paytaxtdan 352 km məsafədə yerləşir.
Məqalə müəllifi ilə əlaqə saxlamaq üçün ünvan: [email protected]
