Azərbaycan, Bakı, 18 aprel / Trend , müxbir A.Hüseynbala /
Azərbaycanın Premyer-Liqa komandalarının əsas heyətləri arasında keçirilən XXII tur oyunlarına hakim, hakim-inspektor və AFFA nümayəndələrinin təyinatı müəyyən olunub.
Peşəkar Futbol Liqasından şənbə günü Trend -a bildiriblər ki, aprelin 18-də keçiriləcək "Olimpik" - "Simurq" oyunun hakimləri Anar Salmanov, İlham Əliyev, İsgəndər Əliyev, Elçin Səmədli olacaq. Hakim-inspektor Asim Xudiyev, AFFA nümayəndəsi isə Rauf Hüseynli təyin olunub.
AFFA-nın qərarı ilə hakimlərin tərkibi oyuna ən azı bir gün qalmış açıqlanacaq.
Bu gün keçiriləcək "Qarabağ" - MOİKoyunun hakimləri Rauf Cabbarov, Roman Vasilyev, Ruslan Babayev, Zöhrab Əliyevdir. Hakim-inspektor Vaqif Davudov, AFFA-nın nümayəndəsi isə Şaiq Həmidovdur.
Aprelin 19-da keçiriləcək "Karvan" - "Muğan" oyunu isə Hacıəli Ağayev, Əliyar Ağayev, Elşən Durmuşov, Ramil Diniyevə tapşırılıb. Hakim-inspektor Əmir Zamanov, AFFA nümayəndəsi isə Səməd Qurbanov təyin olunub.
Sabah keçiriləcək "Bakılı" - "Turan" və "İnter" - "Neftçi" oyunlarına təyinatlar sabah açıqlanacaq.
Məqalə müəllifi ilə əlaqə ünvanı: [email protected]