...

Azərbaycanda vəkilliyə keçirilən test imtahanında uğur qazanmış namizədlərlə müsahibə keçiriləcək

Cəmiyyət Materials 2 İyul 2009 12:55 (UTC +04:00)

Azərbaycan, Bakı, 02 iyul / Trend , müxbir K.Zərbalıyeva /

Azərbaycanda vəkilliyə keçirilən test imtahanında uğur qazanmış namizədlərlə müsahibə keçiriləcək.

Vəkillər Kollegiyasının sədr müavini Fərhad Nəcəfov cümə axşamı Trend -a bildirib ki, iyulun 6-dan İxtisas Komissiyası namizədlərlə söhbətə başlayacaq.

Sədr müavini deyib ki, hər gün 12 namizəd söhbətə dəvət olunacaq. Söhbət zamanı namizədlərə qanunvericilik, hüquqla bağlı, intellektual səviyyənin müəyyən edilməsi üçün süallar veriləcək.

Bu ilin mayında vəkil olmaq istəyən 471 nəfərlə test imtahanı keçirilib. İmtahanda 71 namizəd 60 və daha artıq bal toplayaraq müsahibəyə buraxılıb.

Ən yüksək nəticə 82 bal olub, bazar günü TQDK-nın yaydığı məlumatda bildirilib.

Müsahibə götürəcək İxtisas Komissiyası 5 vəkildən, 3 hakimdən və 3 hüquqşünas alimdən ibarət tərkibdə formalaşıb.

Trend -un arayışı: Azərbaycan vəkillərin sayına görə, Avropa ölkələri sırasında sonuncu yerlərdə durur. Almaniyalı ekspert Tomas Herman daha öncə mətbuata açıqlamalarının birində bildirib ki, Azərbaycanda əhalinin hər yüz min nəfərinə 5 vəkil düşür.

Amaniyalı ekspertin qənaətincə, ədalətli və obyektiv məhkəmə qərarının qəbul edilməsində peşəkar vəkillərin rolu var.

Hazırda Azərbaycanda 720-yə yaxın vəkil var.

Məqalə müəllifi ilə əlaqə ünvanı: [email protected]

Xəbər lenti

Xəbər lenti