Azərbaycan, Bakı, 26 yanvar / Trend , müxbir M.Əliyev/
Azərbaycan paytaxtı Bakıda külək və qar sabah səhərdən zəifləyəcək. Trend -a Ekologiya və Təbii Sərvətlər Nazirliyinin Hidrometeoroloji Proqnozlar Bürosunun (HPB) baş mühəndisi İmran Məmmədov bildirib.
Onun sözlərinə görə, şimal-şərq küləyinin əsməsi ilə bu gün gecədən hava nisbətən mülayimləşəcək, lakin yağıntının davam edəcəyi ehtimal olunur.
"Yanvarın 28-dən havanın temperaturu artacağı və yagıntının kəsiləcəyi gözlənilir", - Məmmədov bildirib.
Azərbaycanın rayonlarında qarın yağması proqnozlaşdırılır.
Dünən gecədən başlayaraq Azərbaycan ərazisində anomal hava şəraiti hökm sürür. Azərbaycanın əksər ərazilərində, o cümlədən paytaxt Bakıda ilk qar yağıb. Temperatur mənfi 2-6 dərəcəyə qədər düşüb.
Məqalə müəllifi ilə əlaqə ünvanı: [email protected]