Azərbaycan, Bakı, 3 mart / Trend , müxbir M.Əliyev/
Milli Qəhrəman Çingiz Mustafayev Fondu və ANS şirkətlər qrupu Azərbaycanın Rusiya Federasiyasındakı səfiri, Xalq Artisti Polad Bülbüloğlunu çərşənbə günü "2009-cu ilin adamı" elan edib.
Polad Bülbüloğlu milli dirçəliş sahəsində gördüyü işlərinə, vətənpərvərliyinə və xalqımızın azadlıq ruhunun ölməzliyini bir daha nümayiş etdirən "Məhəbbət və ölüm" baletini yaratdığına görə mükafata layiq görülüb.
"Bu mükafatı almaq olduqca şərəfli bir işdir", - tədbirdə çıxış edən Polad Bülbüloğlu vurğulayıb.
Polad Bülbüloğlu pul mükafatını Şuşa rayon İcra hakimiyyətinin başçısı, "Azərbaycan Respublikası Dağlıq Qarabağ Bölgəsinin Azərbaycanlı İcması" İctimai Birliyinin sədri Bayram Səfərova təqdim etdi.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
