Azərbaycan, Bakı, 8 iyul /Trend/
Avropa Liqasının I təsnifat mərhələsinin cavab qarşılaşmaları çərçivəsində keçirilən "Metalurq" Skopye - "Qarabağ" Ağdam matçı 1:1 hesabı ilə heç-heçə başa çatıb. İki matçın nəticəsinə görə "Qarabağ" növbəti mərhələyə yüksəlib.
Oyunun birinci hissəsi qarşılıqlı hücumlar şəraitində keçsə də hesab açılmadı.
İkinci hissədə "Qarabağ"ın yarımmüdafiəçisi Emin İmaməliyev 69-cu dəqiqədə hesabı açıb. 78-ci dəqiqədə isə "Metalurq"un oyunçusu Krstev hesabı bərabərləşib.
İlk oyunda Ağdam təmsilçiləri rəqibini 4:1 hesabı ilə darmadağın etmişdi.