Azərbaycan, Bakı, 30 iyun /Trend, müxbir K.Zərbalıyeva/
Azərbaycan Müdafiə Nazirliyində hərbi çağırışla əlaqədar "qaynar xətt" yaradılıb.
Nazirliyin mətbuat xidmətindən Trend-ə verilən məlumata görə, hərbi çağırış sisteminin təkmilləşdirilməsi istiqamətində ədalətlilik və şəffaflıq prinsiplərinin qorunması, neqativ halların qarşısının dərhal alınması məqsədilə nazirliyin Təşkilat Səfərbərlik İdarəsində "qaynar xətt" yaradılıb.
Çağırışçıların hansı qoşun növünə və hərbi hissəyə düşdüyünü öyrənmək istəyən valideynləri və yaxınları "qaynar xəttin" bu telefon nömrələrinə zəng edə bilərlər: 538-61-10, 539 90 28,539 23 55.
Şikayəti və ya hər hansı narazılığı olan vətəndaşlardan isə nazirliyin Tərbiyə İşləri İdarəsinin nəzdində fəaliyyət göstərən "etimad xətti"nin bu telefon nömrələrinə zəng etmək xahiş olunur: 538-61-31, 538 61 74, 539 23 76.