...

Azad Rəhimov Soçiyə yola düşüb

Cəmiyyət Materials 23 Noyabr 2011 16:39 (UTC +04:00)
Noyabrın 23-dən Rusiyanın Soçi şəhərində Avropa Olimpiya Komitəsinin 40-cı Baş Assambleyası başlayır.
Azad Rəhimov Soçiyə yola düşüb

Azərbaycan, Bakı, 23 noyabr /Trend, müxbir İ.İsabalayeva/

Noyabrın 23-dən Rusiyanın Soçi şəhərində Avropa Olimpiya Komitəsinin 40-cı Baş Assambleyası başlayır.

Gənclər və İdman Nazirliyinin mətbuat xidmətindən çərşənbə günü Trend-ə verilən məlumata görə, gənclər və idman naziri Azad Rəhimov və Milli Olimpiya Komitəsinin vitse-prezidenti Çingiz Hüseynzadə də Assambleyanın rəsmi qonaqları sırasındadırlar.

Rusiya Milli Olimpiya Komitəsinin prezidenti A.Jukovun qonaqları rəsmi salamlamasından sonra Assambleya öz işinə start verəcək. Assambleya noyabr 24-dək davam edəcək.

Gənclər və idman naziri Azad Rəhimovun Soçiyə səfəri noyabrın 24-də başa çatacaq.

Milli Olimpiya Komitəsinin vitse-prezidenti Çingiz Hüseynzadə isə noyabrın 25-də Moskva şəhərinə yola düşərək Rusiya Olimpiya Komitəsinin 100 illik yubileyinə həsr olunmuş gecədə iştirak edərək dövlət başçısı, Milli Olimpiya Komitəsinin prezidenti İlham Əliyevin təbriklərini çatdıracaq.

Bununla yanaşı, Çingiz Hüseynzadə 2014-cü il Soçi Qış Olimpiya Oyunlarının keçiriləcəyi məkana da gedəcək. Səfər noyabrın 25-dək davam edəcək.

Xəbər lenti

Xəbər lenti