...

Azərbaycanın Yol Polisi sürücülərə xəbərdarlıq edir

Cəmiyyət Materials 25 Noyabr 2011 10:26
Azərbaycanda şaxtalı hava şəraiti respublikanın bəzi əsas magistral yollarında avtomobillərin hərəkətində problemlər yaradıb.
Azərbaycanın Yol Polisi sürücülərə xəbərdarlıq edir

Trend-i buradan izləyin

Azərbaycan, Bakı, 25 noyabr /Trend, müxbir K.Zərbalıyeva/

Azərbaycanda şaxtalı hava şəraiti respublikanın bəzi əsas magistral yollarında avtomobillərin hərəkətində problemlər yaradıb.

Daxili İşlər Nazirliyinin Baş Dövlət Yol Polisi İdarəsinin şöbə rəisi Kamran Əliyev cümə günü Trend-ə bildirib ki, şaxtalı, qarlı hava şəraiti Bakı-Şamaxı, İsmayıllı-Muğanlı, Bakı-Quba və Ağsu aşırımında minik avtomobillərinin hərəkətinə çətinlik yaradıb.

"Buna baxmayaraq, həmin yollar bağlanmayıb", - o vurğulayıb.

Əliyev həmin yolların buz bağlaması səbəbindən bu yollarda zənciri, mövsümi qış təkərləri və hər iki oxu aparıcı olan avtomobillərin hərəkətini tövsiyə edir.

Baş Dövlət Yol Polisi İdarəsi idarəetmə təcrübəsi olmayan sürücülərə şaxtalı, buzlu hava şəraitində yola çıxmamağı məsləhət görür.

İdarə hazırda Kürdəmir, Sabirabad, Yevlax, Hacıqabul və Balakən istiqamətinə gedən yollarda qar yağdığını, buna baxmayaraq, yolların buzlu olmadığını və nəqliyyatın hərəkətində problemlər yaranmadığını qeyd edib.

Şöbə rəisinin sözlərinə görə, dünən axşam saatlarında Bakı-Sumqayıt yolunda qarlı hava şəraiti ilə əlaqədar olaraq tıxac yaranıb.

"Həmin yolda avtomobillər çox olub və təcrübəsiz sürücülər avtomobilləri aşağı sürətlə idarə etdiyindən tıxac yaranıb", - Əliyev deyib.

O, hazırda həmin yolda nəqliyyatın hərəkətində problem olmadığını qeyd edib.

Ötən gün respublika yollarında 16 yol qəzası zamanı 2 nəfər ölüb, 17 nəfər xəsarət alıb.

Qəzalardan biri - piyadanın vurulması Bakının Səbail rayonu ərazisində qeydə alınıb və bir nəfər xəsarət alıb.

Xəbər lenti

Xəbər lenti