Azərbaycan, Bakı, 26 dekabr / Trend müxbir H.Vəliyev /
Azərbaycanda stasionar telefon şəbəkəsində ilk dəfə olaraq qısa dördrəqəmli nömrənin tətbiqinə başlanılıb. Bu barədə bazar ertəsi Trend-ə Rabitə və İnformasiya Texnologiyaları Nazirliyindən məlumat verilib.
Nazirliyin məlumatına görə, yeni 1655 nömrəsi RİTN-in "qaynar xətt"ində fəaliyyət göstərir. Ona həm stasionar, həm də mobil telefonlardan zəng etmək olar. Nazirlik "qaynar xətt" üzrə zəngləri həftənin yeddi günü ərzində saat 09:00-dan 18:00-dək qəbul edir.
Əsas məqsəd əhaliyə göstərilən telekommunikasiya xidmətlərinin keyfiyyətinin artırılması, poçt rabitəsindən, telekommunikasiya, eləcə də radio və televiziyanın xidmətlərindən istifadə zamanı ortaya çıxan istənilən problemə, çatışmazlıqlara vaxtında reaksiya verməkdir.
Nazirliyin "qaynar xətti"nə 598-08-69 nömrəli telefonla və [email protected] elektron poçtu ilə də müraciət etmək olar.