Azərbaycan, Bakı, 12 sentyabr /Trend, müxbir E.İsmayılov/
Babək prospekti ilə N.Abdullayev küçəsinin kəsişməsində salınan piyada keçidində son tamamlanma işləri aparılır.
Trend-in "Azəryolservis" ASC-nin rəsmi saytına istinadən verdiyi məlumata görə, Nəqliyyat Nazirliyi "Azəryolservis" ASC-nin sifarişi ilə inşa olunan piyada keçidinin uzunluğu 57, eni 8, hündürlüyü 3,2 metrdir.
Piyadaların hərəkəti üçün nəzərdə tutulan pilləkənlərdə əlil arabaları üçün ayrıca yol var. İki tərəfə giriş-çıxışı olan piyada keçidi demək olar ki, istismara hazırdır. Hazırda piyada keçidinin ətrafında abadlıq işləri həyata keçirilir.
Paytaxt sakinləri yaxın günlərdə piyada keçidindən istifadə edə biləcəklər.