Azərbaycan, Bakı, 28 mart /Trend, müxbir H.Vəliyev/
Azərbaycanın proqram təminatı yaradıcısı "Dilmanc" Azərbaycan dilində mətnin səsləndirilməsinin sisteminin növbəti variantını təqdim edib. Trend-in məlumatına görə, bu barədə cümə axşamə "Dilmanc"ın rəsmi saytında yazılıb.
Mətnin səsləndirilməsi sisteminin yeni versiyası istifadəyə verilib. Belə ki, bu versiyada intonasiya ilə bağlı bəzi problemlər həll olunub, sual və nəqli cümlələrin intonasiyası və səs tonu təkmilləşdirilib, durğu işarələri və pauza kimi problemlər qismən həll olunub.
Qeyd edək ki, "Dilmanc" mətnin səsləndirilməsi sisteminin daha da təkmilləşdirilmiş versiyalarının hazırlanması üzrə işlər davam edir.
Yeni versiyanı proqram təminatçısının rəsmi saytından yükləmək olar.