...

Ekspert: 2050-ci ilə Ermənistan əhalisinin sayı 2 milyondan çox olmayacaq

Cəmiyyət Materials 10 İyul 2013 17:07 (UTC +04:00)
2050-ci ilə Ermənistanda yaşayan əhalinin sayı 2 milyon nəfərdən çox olmayacaq.
Ekspert: 2050-ci ilə Ermənistan əhalisinin sayı 2 milyondan çox olmayacaq

Trend-i buradan izləyin

Azərbaycan, Bakı, 10 iyul /Trend/

2050-ci ilə Ermənistanda yaşayan əhalinin sayı 2 milyon nəfərdən çox olmayacaq. Trend-in çərşənbə günü Ermənistan KİV-ə istinadən verdiyi məlumata görə, bu barədə ölkənin Milli Elmlər Akademiyasının Fəlsəfə, Sosiologiya və Hüquq İnstitutunun direktoru, professor Gevorq Poqosyan bəyan edib.

BMT-nin proqnozlarına əsasən, 2015-ci ilə Ermənistanda indiki 3 milyon 200 min nəfər əvəzinə təqribən 3 milyon insan yaşayacaq.

Poqosyan bu mənfi tendensiyanı ölkədə doğum səviyyəsinin azalması və güclü miqrasiya axını ilə əlaqələndirib.

Onun sözlərinə görə, Ermənistanda hər il təqribən 35 min uşaq doğulur və bir o qədər də insan ölkəni tərk edir. Ekspert ölkə əhalisinin qocaldığını da əlavə edərək deyib ki, əhalinin 14,6 faizi yaşı 60-dan yuxarı olanlardır.

Məqalədə:
Xəbər lenti

Xəbər lenti