...

Azərbaycanda dərmanların idxalı, satışı onların üzərinə nəzarət markası yapışdırıldıqdan sonra mümkün olacaq

Cəmiyyət Materials 15 İyul 2013 15:53 (UTC +04:00)
Azərbaycanda dərman vasitələrinin üzərinə nəzarət markası yapışdırıldıqdan sonra onların ölkə ərazisinə idxalına, ölkədə istehsalına, satışına, tibbdə istifadəsinə icazə veriləcək.
Azərbaycanda dərmanların idxalı, satışı onların üzərinə nəzarət markası yapışdırıldıqdan sonra mümkün olacaq

Azərbaycan, Bakı, 15 iyul /Trend, müxbir İ.İsabalayeva/

Azərbaycanda dərman vasitələrinin üzərinə nəzarət markası yapışdırıldıqdan sonra onların ölkə ərazisinə idxalına, ölkədə istehsalına, satışına, tibbdə istifadəsinə icazə veriləcək. Bu barədə Trend-ə Nazirlər Kabinetindən məlumat verilib.

NK-dan deyilib ki, bununla əlaqədar Nazirlər Kabinetinin 2007-ci il 13 iyul tarixli 108 nömrəli qərarı ilə təsdiq edilmiş "Dərman vasitələrinin dövlət qeydiyyatına alınması və reyestrinin aparılması Qaydaları"nda dəyişiklik edilib.

Qərara əsasən, "Dərman vasitələri haqqında" qanunla müəyyən edilmiş xüsusi hallar istisna olmaqla, dərman vasitələri Azərbaycan Səhiyyə Nazirliyi tərəfindən dövlət qeydiyyatına alındıqdan sonra dərman vasitələrinin reyestrinə daxil edilir və onların üzərinə nəzarət markası yapışdırıldıqdan sonra respublika ərazisinə idxalına, respublikada istehsalına, satışına və tibbdə istifadəsinə icazə verilir.

Məqalədə:
Xəbər lenti

Xəbər lenti