Azərbaycan, Bakı, 8 avqust /Trend, müxbir İ.İzzət/
Sabah Azərbaycan ərazisində sərin və yağışlı hava şəraiti davam edəcək. Bu barədə Trend-ə Ekologiya və Təbii Sərvətlər Nazirliyinin Milli Hidrometeorologiya Departamentindən məlumat verilib.
Bakıda və Abşeron yarımadasında avqustun 9-da havanın dəyişkən buludlu keçəcəyi, arabir tutulacağı gözlənilir. Gün ərzində qısamüddətli yağış yağacaq. Mülayim şimal-qərb küləyi əsəcək.
Bakıda və Abşeron yarımadasında havanın temperaturu gecə 18-23, gündüz 25-30 dərəcə isti olacaq.
Azərbaycanın rayonlarında avqustun 9-da şimşək çaxacaq, arabir yağış yağacaq. Bəzi ərazilərdə leysan xarakterli yağış yağacaq.
Aran rayonlarında havanın temperaturu gecə 18-23, gündüz 27-32 dərəcə, dağlıq ərazilərdə gecə 8-13, gündüz 18-23 dərəcə isti olacaq.
Qeyri-sabit hava şəraiti avqustun 11-nə kimi davam edəcək.
Xatırladaq ki, bu gündən başlayaraq Azərbaycanda havanın temperaturu yenidən düşüb, bəzi rayonlarda intensiv yağış yağır.
Azərbaycanda sərin və yağışlı hava şəraiti davam edəcək
Bakıda və Abşeron yarımadasında avqustun 9-da havanın dəyişkən buludlu keçəcəyi, arabir tutulacağı gözlənilir. Gün ərzində qısamüddətli yağış yağacaq. Mülayim şimal-qərb küləyi əsəcək.
