Azərbaycan, Bakı, 4 oktyabr /Trend, müxbir H.Vəliyev/
"Dilmanc" proqram təminatının istehsalçısı mobil telefonlar üçün yeni sinxron tərcümə sistemini təqdim edəcək. Bu barədə cümə günü Trend-ə layihənin rəhbəri Əbülfət Fətullayev deyib.
Onun sözlərinə görə, sistem nitqi ana dilində qəbul etməyə, sonra isə səsi təqlid edərək digər dilə çevirməyə imkan verir.
Prorqam mobil rabitə üzrə sinxron tərcüməni həyata keçirir. Tərcümə avtomatik həyata keçir.
Hazırda sistemdə rus, türk və ingilis dillərindən Azərbaycan dilinə və əksinə tərcümə funksiyası reallaşdırılıb.
Yeni layihə dekabrın 2-5-də keçiriləcək XIX Beynəlxalq "BakuTel-2013" sərgisində nümayiş etdiriləcək.
