Azərbaycan, Bakı, 23 sentyabr /Trend/
Yerevanın satış yarmarkalarının yüzlərlə işçisi Ermənistan hökumətinin binası qarşısında etiraz aksiyası keçirir.
Trend-in Ermənistan KİV-ə istinadən verdiyi məlumata görə, onlar "Dövriyyə haqqında" qanuna etiraz edirlər.
Yarmarka işçilərinin fikrincə, qanun onlara da şamil olunacaq: "Qanuna əsasən, bizə 1 faiz xeyir qalır. Qanunun ləğv olunmasını tələb edirik. Hökumət bizə işləməyə imkan vermir".
Yeni qanuna əsasən, satış yarmarkalarının işçilərindən hesab-faktura tələb olunacaq ki, bu da onları qane etmir.
Baş nazir Ovik Abramyan aksiya iştirakçılarından üç nəfərlə görüşməyə razılıq verib.