...

BANM-də "Alternativ gələcəklə əlaqə" layihəsi yekunlaşdı (FOTO)

Cəmiyyət Materials 6 Oktyabr 2016 10:38 (UTC +04:00)
BANM-də "Alternativ gələcəklə əlaqə" layihəsi yekunlaşıb.
BANM-də "Alternativ gələcəklə əlaqə" layihəsi yekunlaşdı (FOTO)

Bakı. Trend:

Azərbaycan Respublikası Prezidenti yanında Gənclər Fondunun maliyyə dəstəyi, Ekologiya və Təbii Sərvətlər Nazirliyi, Azərbaycan Respublikası Alternativ və Bərpa olunan Enerji Mənbələri üzrə Dövlət Agentliyi (AREA) və “Multimedia” İnformasiya Sistemləri və Texnologiyaları Mərkəzinin tərəfdaşlığı və Bakı Ali Neft Məktəbinin təşkilati dəstəyi ilə “Alternativ gələcəklə əlaqə” layihəsi yekunlaşıb.

BANM-nin ictimaiyyətlə əlaqələr şöbəsindən Trend-ə verilən məlumata görə, layihənin bağlanış mərasimində Bakı Ali Neft Məktəbinin Tədris, elm və beynəlxalq əlaqələr üzrə prorektoru Ramiz Hümbətov, “Ömürboyu təhsil” fakultəsinin dekanı Rəna Mustafayeva iştirak ediblər. Layihədəki iştirakını uğurla başa vurmuş jurnalist və tələbələrə sertifikatlar təqdim olunub.

Qeyd edək ki, layihənin üçüncü günündə Azərbaycan Respublikası Alternativ və Bərpa olunan Enerji Dövlət Agentliyinin quraşdırdığı və idarə etdiyi Suraxanı Günəş Elektrik Stansiyasına iştirakçıların səfəri təşkil olunub. İştirakçılara stansiyanın gördüyü işlər və ümumi günəş panellərindən alınan enerji haqqında təlimçilər tərəfindən məlumatlar verilərək gələcəkdə həyata keçirilməsi nəzərdə tutulan layihələr təqdim olunub.

Xatırladaq ki, “Alternativ gələcəklə əlaqə'' layihəsinin əsas məqsədi biliyə əsaslanan iqtisadiyyata keçid həllərinin müəyyən olunması, mətbuat vasitəsilə alternativ enerji, nanotexnologiya haqqında ətraflı məlumatı Azərbaycanın vətəndaş cəmiyyətinə çatdırmağa stimul vermək, Azərbaycan gəncliyinin davamlı inkişaf etməsi üçün təcrübə və potensial gələcəyin öyrənilməsi, kütləvi informasiya vasitələrində davamlı olaraq göstərilən istiqamətlərdə məqalələrin, tədqiqat yazılarının dərc olunmasına kömək göstərməkdir.

Məqalədə:
Xəbər lenti

Xəbər lenti