...

Şura üzvləri: Apelyasiyaya müraciətlər 1 faizdən də aşağıdır (FOTO)

Cəmiyyət Materials 29 Yanvar 2018 09:59 (UTC +04:00)
UNEC-də qış imtahan sessiyası ilə bağlı növbəti “Açıq qapı” günü keçirilib.
Şura üzvləri: Apelyasiyaya müraciətlər 1 faizdən də aşağıdır (FOTO)

Bakı. Trend:

UNEC-də qış imtahan sessiyası ilə bağlı növbəti “Açıq qapı” günü keçirilib.

UNEC-in Marketinq və Kommunikasiya Departamenti, İctimaiyyətlə Əlaqələr Şöbəsindən Trend-ə verilən məlumata görə, “Açıq qapı” günündə UNEC-in rektoru, professor Ədalət Muradovla birlikdə İctimai Nəzarət Şurasının üzvləri millət vəkili Hikmət Babaoğlu, “XXI Əsr” Təhsil Mərkəzi İctimai Birliyinin rəhbəri Etibar Əliyev, Konstitusiya Araşdırmaları Fondunun rəhbəri, İnsan Haqları üzrə Birgə Qrupun üzvü Əliməmməd Nuriyev və “525-ci qəzet”in müxbiri Sevinc Qarayeva da iştirak ediblər.

“Açıq qapı”ya daxil olan müraciətlər əsasən, imtahan nəticələrinin yüksəldilməsi və intizam qaydalarının pozulması ilə bağlı olub. Müraciətlər dinlənildikdən sonra onların araşdırılması və operativ həlli istiqamətində müvafiq tədbirlərin görülməsi üçün rektor aidiyyatı struktur rəhbərlərinə tapşırıqlarını verib.

Qəbuldan sonra imtahanların təşkili ilə bağlı fikir mübadiləsi aparılıb. Qış imtahan sessiyasında bakalavr pilləsi üzrə 12 min tələbənin ümumilikdə 72 min imtahan verdiyi bildirilib. Qeyd olunub ki, imtahanlarla bağlı 1346 apelyasiya ərizəsi (0,53%) daxil olub ki, onlardan da yalnız 239-u əsaslı sayılıb, 760 ərizə isə baxılmaqdadır. Şura üzvləri apelyasiya ərizələri və müraciətlərin azlığını yüksək qiymətləndirərək bunu UNEC-də tədris və imtahanların yüksək səviyyədə təşkil olunmasının müsbət nəticəsi kimi dəyərləndiriblər.

Məqalədə:
Xəbər lenti

Xəbər lenti