Bakı. Azad Həsənli - Trend:
Bakıda yerləşən Heydər Əliyev Mərkəzi “Digital Trends” nəşrinin versiyasına görə dünyanın ən füsunkar binaları sırasında yer alıb.
Trend-in məlumatına görə, bu barədə yazılan məqalədə Azərbaycanın 1991-ci ildə müstəqillik əldə etdikdən sonra şəhər memarlığının inkişafına vəsait ayırmağa başladığı vurğulanıb:
“Bu gün möhtəşəm Heydər Əliyev Mərkəzi şəhər planlaşdırması üzrə bu uzunmüddətli təşəbbüsün nümunəsidir”.
Bundan başqa, siyahıya 17 bina, o cümlədən İtaliyadakı “Bosco Verticale” (Şaquli meşə), Çinin CCTV telekanalının baş ofisi, İspaniyada “Auditorio-de-Tenerife” opera binası daxil olub.
Qeyd edək ki, Heydər Əliyev Mərkəzinin layihəsi 2007-ci ildə memar Zaha Hadid tərəfindən hazırlanıb.
