...

Səbaildə ulu öndər Heydər Əliyevin 95 illiyinə həsr olunmuş iməcilik keçirilib (FOTO)

Cəmiyyət Materials 5 May 2018 20:02 (UTC +04:00)
Səbaildə ulu öndər Heydər Əliyevin anadan olmasının 95 illiyinə həsr olunmuş iməcilik keçirilib
Səbaildə ulu öndər Heydər Əliyevin 95 illiyinə həsr olunmuş iməcilik keçirilib (FOTO)

Bakı. Trend:

Səbaildə ulu öndər Heydər Əliyevin anadan olmasının 95 illiyinə həsr olunmuş iməcilik keçirilib.

Rayon İcra Hakimiyyətindən Trend-ə verilən məlumata görə, növbəti genişmiqyaslı ağacəkmə aksiyası Səbail RİH tərəfindən məhz ümummilli lider Heydər Əliyevin təşəbbüsü və bilavasitə iştirakı ilə keçən əsrin 70-ci illərində yaradılmış “Şıx” ərazisindəki “Dostluq parkı”nda rayonun idarə, təşkilat, müəssisələrinin, təsərrüfat xidmətlərinin işçiləri və rayon ictimaiyyətinin nümayəndələrinin, ümumilikdə 500 nəfərin iştirakı ilə keçirilib.

İməcilik parkın bütün ərazisini əhatə edib. Ərazidə toplanmış daş və digər tullantılar bir yerə yığılaraq texnika vasitəsi ilə daşınıb. İştirakçılar küləyin əraziyə gətirdiyi selofan, kağız parçalarını yığışdırıb, əvvəlki illərdə əkilmiş ağaclara qulluq göstərilib, onların dibi açılıb, ərazi qurumuş otlardan təmizlənib, ağacların qurumuş budaqları budanaraq ərazidən çıxarılıb. Parkda ağacların sulanması üçün çəkilmiş xətlər onların inkişafı üçün böyük əhəmiyyət kəsb edir.

Iməclik iştirakçıları parkın ərazisində 1000 ədəd Eldar şamı, zeytun və digər ağaclar əkib, ərazi quru ot və digər tullantılardan təmizlənib, əlavə olaraq əvvəl əkilmiş ağaclara qulluq göstərilib.

Iməcilikdə Bakıdakı İB məktəbləri sırasıda yer alan 6 nömrəli məktəb-liseyin kollektivi də fəal iştirak edib, balacalar təbiətin qorunması və yeni ağacların əkilməsinə öz töhfələrini veriblər.

Səbail Rayon İcra Hakimiyyətinin təşkilatçılığı ilə rayonun istirahət parkları və bağlarında güllərdən müxtəlif kompozisiyalar hazırlanıb.

Məqalədə:
Xəbər lenti

Xəbər lenti