Bakı. Maksim Tsurkov - Trend:
Azərbaycanın Ekologiya və Təbii Sərvətlər Nazirliyi daha açıq siyasət həyata keçirəcək. Trend-in məlumatına görə, bunu ekologiya və təbii sərvətlər naziri Muxtar Babayev bildirib.
Nazir bildirib: "Ekologiya və Təbii Sərvətlər Nazirliyinin fəaliyyətində əsas yenilik daha açıq siyasətin yürüdülməsi olacaq. Biz ictimaiyyətlə daha sıx işləyəcəyik. Müzakirə olunmalı çox məsələ var. Bu sahədə ümidləri doğrultmağa çalışacağıq".
Mümkün struktur islahatlar barədə suala cavab verərkən isə nazir qeyd edib ki, hazırda vəziyyətlə tanış olmaq mərhələsi gedir.
Qeyd edək ki, M.Babayev aprelin 23-də ekologiya və təbii sərvətlər naziri təyin edilib.
