...

Polşanın Poznan şəhərində Azərbaycan Xalq Cümhuriyyətinin 100 illiyi qeyd olunub

Cəmiyyət Materials 26 May 2018 01:51
İ.Y.Paderevski adına Poznan Musiqi Akademiyasınında Azərbaycan Xalq Cumhuriyyətinin 100 illik yubileyinə həsr edilmiş tədbir keçirilib.
Polşanın Poznan şəhərində Azərbaycan Xalq Cümhuriyyətinin 100 illiyi qeyd olunub

Trend-i buradan izləyin

Bakı. Trend:

İ.Y.Paderevski adına Poznan Musiqi Akademiyasınında Azərbaycan Xalq Cümhuriyyətinin 100 illik yubileyinə həsr edilmiş tədbir keçirilib.

Azərbaycanın Polşadakı səfirliyindən Trend-ə verilən məlumata görə, səfir Həsən Həsənov Poznan Musiqi Akademiyasının rektoru Halina Sorkovska ilə görüş keçirib, daha sonra musiqi akademiyasında qurulmuş Azərbaycan Xalq Cümhuriyyətinin banilərindən biri olan Əlimərdan bəy Topçubaşov və Polşa Respublikasının Baş naziri İqnatsi Yan Paderevskiyə həsr edilmiş xatirə lövhəsinin önünə gül çələngi qoyulub.

Tədbirdə çıxış edən səfir Cumhuriyyətimizin yaranma tarixindən, mövcud olduğu qısa dövr ərzində keçdiyi inkişaf yolundan danışaraq o dövr ərzində əldə edilmiş nailiyyətlər barəsində tədbir iştirakçılarını məlumatlandırıb.

Səfir cıxışın sonunda iki ölkə arasında yüksək səviyyədə olan münasibətlərin ölkə başçıları – Prezident İlham Əliyev və Prezident Andjey Duda arasında olan səmimi işğüzar və dostluq münasibətləri və qarşılıqlı etimad üzərində qurulduğunu vurğulayıb.

Çıxışdan sonra tədbirdə iştirak edən Poznan şəhərinin bir sıra rəsmiləri və Poznan Musiqi Akademiyasının idarə heyətinə Azərbaycan-Polşa əlaqələrinin möhkəmlənməsində xidmətlərinə görə xatirə nişanları təqdim olunub. Tədbir Musiqi Akademiyasının tələbələrinin iştirakı ilə konsert və rəsmi ziyafətlə davam edib.

Məqalədə:
Xəbər lenti

Xəbər lenti