...

Gələn il informatika üzrə dünya olimpiadası Bakıda keçiriləcək

Cəmiyyət Materials 9 İyun 2018 16:01 (UTC +04:00)
Gələn il şagirdlər arasında informatika üzrə dünya olimpiadası Bakıda keçiriləcək.
Gələn il informatika üzrə dünya olimpiadası Bakıda keçiriləcək

Bakı. İlkin Şəfiyev - Trend:

Gələn il şagirdlər arasında informatika üzrə dünya olimpiadası Bakıda keçiriləcək.

Trend-in məlumatına görə, bunu Bakıda keçirilən Avropada Mühafizəkarlar və İslahatçılar Alyansının sammitində "Təhsil transformasiyası" mövzusunda paneldə təhsil nazirinin müavini Firudin Qurbanov deyib.

Nazir müavini bildirib ki, bu olimpiadanın keçirilməsi üçün artıq Bakıda hazırlıqlara başlanıb.

F.Qurbanov qeyd edib ki, Azərbaycanda ali təhsilə qəbul olanların sayı artaraq 2013-cü ildəki 145 mindən 162 minə, ali təhsilin bakalavr pilləsindən magistr pilləsinə qəbul olanların sayı isə 2013-cü ildəki 35 mindən 44 minə çatıb: "Hazırda təhsil alan qızların da sayı artıb. Belə ki, müəllimlərin 82 faizi, tələbələrin isə 46 faizi qadındır".

O, ölkədə modul tipli məktəblərin inşasına da toxunub: "Cari ilin sonunadək 250-dək modul tipli məktəbin tikintisi başa çatdırılacaq".

Məqalədə:
Xəbər lenti

Xəbər lenti