Bakı. İlhamə İsabalayeva - Trend:
Azərbaycanda muzeyləri ziyarət edənlərin sayı artıb.
Trend-in məlumatına görə, 2019-cu ilin əvvəlinə olan məlumata görə, ölkədə muzeylərə gələnlərin sayı bir il ərzində 3 milyon 171 min nəfər olub.
2018-ci ilin əvvəlinə olan məlumata görə, il ərzində muzeyləri 3 milyon 3 min, 2017-ci ilin əvvəlində isə 2 milyon 698 min nəfər ziyarət edib.
Hazırda Azərbaycanda 239 muzey var ki, onların 77-si tarix, 42-si memorial, 67-si diyarşünaslıq, 41-i sənətşünaslıq, 12-si digər muzeylərdir.
İlk muzey Bakıda 1920-ci ildə, ilk memorial muzey isə Şəkidə 1938-ci ildə yaradılıb.