...

Hüquqi şəxslərin dövlət reyestrinin aparılması qaydalarında dəyişiklik edildi

Cəmiyyət Materials 26 Dekabr 2019 10:09 (UTC +04:00)
Nazirlər Kabineti “Hüquqi şəxslərin dövlət reyestrinin aparılması, istifadəsi və mühafizəsi Qaydaları”nda dəyişiklik edib.
Hüquqi şəxslərin dövlət reyestrinin aparılması qaydalarında dəyişiklik edildi

Bakı. İlhamə İsabalayeva – Trend:

Nazirlər Kabineti “Hüquqi şəxslərin dövlət reyestrinin aparılması, istifadəsi və mühafizəsi Qaydaları”nda dəyişiklik edib.

Trend-in məlumatına görə, bu qərarın indiyədək olan variantına əsasən, dövlət reyestri qurumların təşkili, qeydiyyatı, yenidən təşkili, ləğvetmə prosesində olması, ləğv edilməsi, eləcə də siyasi partiyaların, həmkarlar ittifaqlarının, qeyri-hökumət təşkilatlarının və xarici qeyri-hökumət təşkilatının filial və ya nümayəndəliyinin fəaliyyətinin dayandırılması və bərpası barədə məlumatlardan ibarətdir.

Yeni qərarla isə bu məlumatların sırasına məhkəmənin yekun qərarı ilə cinayət-hüquqi tədbir qismində hüquqi şəxsin müəyyən fəaliyyətlə məşğul olma hüququndan məhrum edilməsi barədə də məlumatlar əlavə edilib.

“Hüquqi şəxslərin dövlət qeydiyyatı və dövlət reyestri haqqında” qnununa əsasən dövlət reyestrində aparılan yazıda reyestrə daxil edilmiş qurum barəsində yeni məlumatlar - qurum barəsində müəyyən fəaliyyətlə məşğul olma hüququndan məhrum etmə növündə cinayət-hüquqi tədbirin tətbiq edilməsi haqqında məhkəmənin yekun qərarına dair, hüquqi şəxsin yenidən təşkil edilməsinin, yaxud ləğv olunmasının qadağan edilməsi, habelə hüquqi şəxsi müəyyən fəaliyyətlə məşğul olma hüququndan məhrum etmə növündə cinayət-hüquqi tədbirlərin tətbiq edilməsi ilə bağlı məlumatlar əks etdirilməlidir.

Məqalədə:
Xəbər lenti

Xəbər lenti