Bakı. İlhamə İsabalayeva - Trend:
COVID19 virusunun yayılmasının qarşısını almaq üçün Novruz bayramı günlərində insanların verə biləcəyi ən yaxşı qərarlardan biri evdə qalmaq və sosial məsafə saxlamaqla məsuliyyət nümayiş etdirməkdir.
Trend xəbər verir ki, bu məlumatı UNİCEF-in Azərbaycandakı nümayəndəliyi yayıb.
Məlumatda qedy edilir ki, uşaqlarla bir yerdə evdə etdiyiniz fəaliyyətləri #EVDƏQAL həştəqindən istifadə etməklə bizimlə bölüşə bilərsiz:
"Uşağınız sizinlə hansı yeməyi hazırlamağı sevir? Ən sevdiyiniz Novruz bayramı şirniyyatlarını birlikdə bişirməyə çalışın. Onlara şirniyyatları bəzəməyə və ya xəmir yoğurmağa icazə verməklə, nəinki əylənəcək, həm də onların kiçik motorika bacarıqlarını inkişaf etdirmiş olacaqsınız. Bəs siz evdə uşağınızla hansı fəaliyyətləri edirsiniz? Uşaqlarla bir yerdə evdə etdiyiniz fəaliyyətləri #EVDƏQAL həştəqindən istifadə etməklə bizimlə bölüşə bilərsiz".