Bakı. Trend:
Azərbaycan Memarlıq və İnşaat Universitetinin (AzMİU) doktorantı, İnnovativ Biznes İnkubator Mərkəzinin startupçısı Ramin Əkbərovun layihəsi Ekologiya və Təbii Sərvətlər Nazirliyi və BMT-nin İnkişaf Proqramı Hackathon Azerbaijan komandası ilə birgə keçirtdiyi su mövzusunda ilk virtual hackathonun qaliblərindən olub. Ramin Əkbərovun “CONWAT” layihəsi 49 komanda arasından 4-cü yeri qazanıb.
Universitetdən Trend-ə verilən məlumata görə, ilk virtual hackathon mövcud su problemlərinə texnoloji həllər tapmaq və suyun həyati əhəmiyyəti ilə bağlı maarifləndirmə işinə dəstək vermək məqsədi ilə keçirilib. “AquaHack” müsabiqəsi elan edildiyi gündən 2 həftə ərzində yarışmaya 328 ərizə ilə müraciət olunub.
Yarışmada əsas tələb komandaların suyun kəmiyyət və keyfiyyətinin qorunması, su ehtiyatlarına təzyiqlərin azaldılması üçün 48 saat ərzində texnoloji ideyalar və həllər tapması, əlverişli təkliflər verməsi olub.